Një poezi është një lloj shkrimi artistik, që përpiqet të nxisë imagjinatën ose emocionet e lexuesit.
Lexoni përfitimet që marrim nga leximi, shkrimi ose dëgjimi i poezive:
- Nxit shprehjen emocionale
- Ndërton vetëdije
- Është terapeutike
- Rrit aktivitetin e trurit
- Na shkathtëson
1. Nxit shprehjen emocionale
Përfitimi numër një i të shkruarit apo lexuarit poezi qëndron në shprehjen e emocioneve. Kjo është thelbësore për ata njerëz që kanë vështirësi të merren ose shprehen me mënyrën se si ndihen.
Dhe, një gjë është e sigurt – kurrë nuk duhet t’i fshihni emocionet tuaja nën qilim.
Kryesisht duke shkruar poezi, ju jeni në gjendje të:
- përpunoni emocionet e vështira që ndjeni
- flisni më lehtësisht për emocionet tuaja me të tjerët
- përdorni kreativitetin për t’i shprehur ato
Kjo do të thotë se poezia të ndihmon të heqësh dorë nga disa ndjenja në vend që të mbahesh vazhdimisht pas të shkuarës. Dhe, kjo është jashtëzakonisht e dobishme për shëndetin tuaj mendor dhe paqen e brendshme.
Ndoshta dhe poezi dashurie do ishte një formë e shprehjes së ndjenjave ndaj dikujt të rendësishëm për ju por e gjeni të vështirë t’ia thoni. Ky do ishte një ushtrim i mirë për të filluar.
2. Ndërton vetëdije
Të mësosh për veten dhe të kontaktosh me brendësinë tënde nuk është kurrë një ide e keqe. Kjo është diçka që duhet të përpiqemi ta bëjmë për sa kohë që jemi gjallë.
Pse?
Sepse sa më shumë të njohim veten, na lejon të bëhemi më të fortë në nivel personal, duke zhvilluar pikat e dobta.
Ja se si poezia ju ndihmon të ndërtoni vetëdijen:
- ju shprehni idetë dhe emocionet tuaja në poezitë tuaja
- ju e bëni atë në mënyrë intuitive, gjë që e bën atë proces të ndershëm
- ju i rilexoni ato rreshta dhe fitoni njohuri të reja për veten tuaj
- poezia ju lejon të mësoni për veten, të rriteni dhe të përmirësoheni.
3. Është terapeutike
Disa nga poezitë më të bukura janë shkruar si pasojë e dhimbjes së madhe emocionale. Kur vuajmë, ndihemi më të frymëzuar për të shkruar poezi, sepse ndiejmë nevojën për të lehtësuar dhimbjen që ndjejmë.
Poezia na ndihmon të heqim këtë dhimbje emocionale, dhe ja se si:
- ne e nxjerrim nga vetja
- ne përballemi me të gjitha emocionet që ndjejmë
- gjejmë lehtësim dhe paqe
- nga shkrimi i poezisë përfiton kushdo që po përpiqet të shërohet nga një episod emocional i fundit dhe ka nevojë për një dorë
4. Rrit aktivitetin e trurit
Poezia nuk është e dobishme vetëm për anën tonë emocionale. Ajo gjithashtu ka një ndikim pozitiv tek truri jonë.
Ja pse:
- shkrimi i poezisë është një proces kompleks
- kërkon që ne të kombinojmë fjalët, kuptimin e fshehur, simbolet, rimat dhe ritmikën
- ky proces e bën trurin tonë aktiv dhe më të fortë
Poezia na ndihmon të trajnojmë trurin tonë që të jetë më i mprehtë dhe të punojë pa probleme. Si rezultat, njohja jonë e përgjithshme, kujtesa dhe përqëndrimi përmirësohen.
5. Na shkathtëson
Shkrimi, të folurit dhe të kuptuarit mund të ndikohen dhe ushqehen shumë nga përdorimi i poezisë.
Mësimi i rregullave për të shkruar, dhe më pas thyerja e tyre me poezi, mund t’i japë shkrimit bukuri alternative.
Të folurit me zë të lartë të poezisë me ritmin dhe rimën e saj mund të lirojë gjuhën (oratori) dhe të krijojë një themel të fortë për komunikimin verbal.
Të mësuarit për të kuptuar poezinë jep gjithashtu forcën mendore, si dhe nxitjen, për të kuptuar komunikimin e shkruar (një tipar i çmuar në biznes).
Konkluzion
Një poezi na ndihmon të kuptojmë emocionet tona në një mënyrë unike që mund të mos jemi në gjendje ta bëjmë lehtësisht ndryshe. Na ndihmon të ndiejmë fjalët në një pjesë shumë të thellë të vetes.
Shkrimi i poezisë është një proces jashtëzakonisht i këndshëm dhe i dobishëm që të gjithë duhet ta provojmë. Njerëzit që shkruajnë poezi përjetojnë përfitime dhe përmirësime të rëndësishme në shëndetin e tyre.
Shpresojmë, përfitimet e renditura më sipër ju ndihmuan të kuptoni se sa i vlefshëm është procesi i shkrimit apo leximit të poezisë.
Përdoreni atë si frymëzim dhe si një metodë efikase për përpunuar emocionet apo njohur veten tuaj.