Si të jemi pozitiv – Ju ndihmon strategjia PEP

Si të jemi pozitiv? Të mësosh mendjen të mendojë në një mënyrë pozitive është më e lehtë të thuhet sesa të bëhet. 

Për disa kjo vjen natyrshëm, por të tjerë mund ta kenë më të vështirë.

Lajmi i mirë është se këto modele të të menduarit negativ janë të kthyeshme. 

Përdorimi i strategjisë PEP mund të jetë një metodë efektive dhe produktive për t’ju ndihmuar të lini pas mendimin negativ. 

PEP është shkurtesë e:

1. Përgjithësim





2. Ekzagjërim





3. Përjashtim

Kjo teknikë funksionon duke ju inkurajuar të vlerësoni situatat nga një këndvështrim më pozitiv.

1. Përgjithësim

Nëse e gjeni veten duke pasur mendime negative, përpiquni të mendoni pse. A janë këto ndjenja negative rezultat i disa përvojave specifike?

Për shembull, mendimi juaj origjinal mund të jetë:

“Të gjithë janë shumë të zënë për të ndihmuar në ditët e sotme.”

Riformulo mendimin në mënyrë jopërgjithësuese pasi kështu mund ta bëni atë më pozitiv. 

Për shembull:

“Shumica e njerëzve janë të gatshëm të gjejnë kohë, por Eni bën përjashtim.”

2. Ekzagjërim

Të  ndodh t’i ekzagjeroni pa dashje disa ngjarje?!

Mendimi negativ:

“Ky kufizim i ri do të shkaktojë kaos në aeroport; E di që do ta kaloj natën atje.”

Mund të kthehet në:

“Ky kufizim i ri do të nënkuptojë radhë më të gjata, kështu që ne duhet të jemi të përgatitur të hasim disa vonesa.”

3. Përjashtim

A po i përjashtoni aspektet pozitive në mënyrë që të fokusoheni tek ajo negative?

Për shembull, mendimi negativ mund të jetë:

“Ajo grua është e paaftë për t’u kujdesur – gjithçka që ajo mendon është vetja. Nuk ka kuptim t’i telefonoj asaj përsëri.”

Kur riformulohet, bëhet më pozitive:

“Përgjigja e saj ishte sigurisht pak e papritur. Megjithatë, mund ta kem kapur në një moment të keq dhe nesër ajo mund të jetë më e përshtatshme.”

Konkluzion

Ata që priren të aplikojnë të menduarit negativ në mendime, shpesh e kanë bërë këtë që në moshë të re. Në kohën kur arrijmë moshën madhore, ky proces i të menduarit mund të bëhet aq i mirë-vendosur saqë ne mund të mos e vërejmë atë.

Nëse jeni një mendimtar negativ, ka shumë të ngjarë të përqendroheni në problemet, sesa në gjërat pozitive të situatave. 

Me disa udhëzime dhe këmbëngulje, ju mund të ndryshoni lehtësisht mentalitetin tuaj për të përmirësuar pozitivitetin, besimin dhe lumturinë tuaj të përgjithshme.

Në të vërtetë, është vërtetuar se njerëzit që përvetësojnë një prirje pozitive janë më elastik ndaj pengesave dhe janë në gjendje të përballojnë sfidat me besim të shtuar.