Libra për adoleshentë - 5 Sugjerime

Nëse keni fëmijë të moshës 12-18 vjeç apo të njohur, dhurojuni atyre këto libra për adoleshentë. Do të jenë një ndihmë e vërtetë për të kaluar sfida të moshës apo për të hedhur poshtë disa stereotipe të mësuara gabim.

Më poshtë është një listë me libra për adoleshentë si:

Shtatë zakonet e adoleshentëve të suksesshëm

Tregime për djem që guxojnë të jenë ndryshe

Etika per vajzat

Djemtë e mëdhenj qajnë

Kodi i vetebesimit per vajzat

1. Shtatë zakonet e adoleshentëve të suksesshëm

Imagjinoni sikur të kishit një udhërrëfyes ose një udhëzues hap pas hapi për t’ju ndihmuar të shkoni nga ku jeni tani, në vendin ku dëshironi të jeni në të ardhmen. Qëllimet, ëndrrat, planet tuaja… janë të gjitha të arritshme. Ju nevojiten vetëm mjetet për t’ju ndihmuar të arrini atje.

Libri i Sean Covey, 7 zakonet e adoleshentëve të suksesshëm, ka qenë për miliona adoleshentë: një manual për vetëvlerësimin dhe suksesin. Ky libër klasik zbaton parimet e përjetshme të 7 Zakoneve për çështjet e vështira dhe vendimet që ndryshojnë jetën me të cilat përballen adoleshentët.

Covey ofron një qasje të thjeshtë për:

t’i ndihmuar adoleshentët të përmirësojnë imazhin për veten;

të krijojnë miqësi;

t’i rezistojnë presionit të bashkëmoshatarëve;

të arrijnë qëllimet e tyre;

të vlerësojnë prindërit e tyre;

t’i trajtojnë sfidat e reja të kohës sonë, si ngacmimi kibernetik dhe mediat sociale.

Përveç kësaj, ky libër është i mbushur me karikatura, ide të zgjuara, citate të shkëlqyera dhe histori të pabesueshme për adoleshentët nga e gjithë bota.

2. Tregime për djem që guxojnë të jenë ndryshe

Djemtë mund të jenë çdo gjë që duan të jenë!

Ky libër rrëfen historitë e 100 burrave të mrekullueshëm që realizuan arritje të mahnitshme pa nevojën e dhunës, ose ndjenjave shtypëse ashtu si mësohen djemtë që të bëjnë stereotipikisht.

Një mësim shumë i mirë mbi burrërinë, dhe se si ju mund të jeni një djalosh po aq i vlefshëm edhe nëse vendosni të mos i ndiqni qorrazi stereotipat gjinore të shoqërisë tuaj.

Këtu nuk do të gjeni histori për vrasjen e dragonjve apo shpëtimin e princeshave. Në Tregime për djemtë që guxojnë të jenë të ndryshëm, autori Ben Brooks, ofron një narrativë që lavdëron introvertët dhe novatorët, ndjeshmërinë dhe elasticitetin, individualitetin dhe shprehjen.

Është një përmbledhje e arritshme e burrave të famshëm dhe jo shumë të famshëm nga e kaluara deri në ditët e sotme, secili prej tyre një shkelës rregullash dhe stereotipe në mënyrën e tij.

Pjesëmarrësit përfshijnë Frank Ocean, Salvador Dali, Beethoven, Barack Obama, Ai Weiwei, Jesse Owens dhe shumë të tjerë heronj nga të gjitha sferat e jetës dhe nga e gjithë bota.

3. Etika per vajzat

Ky është një libër fantastik me udhëzime etike për vajzat.

A dini të silleni siç duhet? A e dini ç’do të thotë etikë? A dini si të silleni në situata të ndryshme?

Ky libër ju mëson si të silleni me etik në shkollë e në shtëpi, në rrugë e në udhëtim, në teatër e muze, në diskotekë e në bar.

Ju do të mësoni si duhet biseduar në telefon, si të ftohen miqtë në një gosti, si të paraqitesh nëpërmjet internetit. Ju do të mësoni si të zgjidhni dhuratat, si të shtroni një tryezë festive, si të shkruani letra.

Shpresojmë se pasi të lexoni këtë libër, gjithmonë dhe kudo do të ndiheni të sigurta në vetvete.

4. Djemtë e mëdhenj qajnë

Lërini djemtë të qajnë! Ky libër me figura imagjinon një botë në të cilën djemtë inkurajohen të shprehin gamën e plotë të emocioneve të tyre.

Është dita e parë e Levit në një shkollë të re, dhe ai është i frikësuar. Kur babai i tij përpiqet të ngushëllojë Levin, ai bie përsëri në linjën që i ati përdorte me të: “Djemtë e mëdhenj nuk qajnë”. Edhe pse ai e kupton menjëherë gabimin e tij, ai nuk mund të gjejë fjalët për ta rregulluar dhe Levi niset për në shkollë, ende në nevojë për siguri.

Për fat të mirë, gjatë ecjes së tij në shkollë, Levi sheh burra të rritur që shprehin hapur trishtimin dhe frikën e tyre. Mantra e tij e mësuar, “djemtë e mëdhenj nuk qajnë”, ngadalë dobësohet dhe në kohën kur është në shkollë derdh një lot. Atje, gjërat nuk janë aq keq në fund të fundit.

Me të mbërritur në shtëpi, ai gjen babain e tij duke e pritur në verandën e tyre, me lot në sy. Ai është në gjendje të pranojë se kishte frikë për Levin, dhe të dy përqafohen, si kurrë më parë.

Debutimi i mrekullueshëm i Jonty Howley pikturon botën që dëshirojmë të ekzistonte për djemtë tanë dhe ofron një rrugë atje!

Kjo histori është interpretimi më i vërtetë i nocionit se ne duhet t’i lëmë djemtë të jenë djem; domethënë: lërini të shprehin të gjithë gamën e emocioneve të tyre, pjesët e pambrojtura dhe gjithçka!

5. Kodi i vetebesimit per vajzat

Vajzat mund të sundojnë botën, gjithçka që u nevojitet është besimi. Ky udhëzues fuqizues dhe argëtues, u jep vajzave kodin thelbësor për t’u bërë të guximshme dhe të patrembura.

I mbushur me:

shirita të romanit grafik;

ilustrime tërheqëse;

lista argëtuese;

kuize;

sfida;

histori të vërteta nga mijëra vajza,

Kodi i vetëbesimit për vajzat i mëson ato të përqafojnë rrezikun, të përballen me dështimin dhe të jenë vetja e tyre më autentike.

Është një paradoks i njohur për prindërit kudo: vajzat po arrijnë sukses si kurrë më parë, por ato janë të konsumuara nga dyshimi përbrenda.

Vajzat shqetësohen vazhdimisht për;

mënyrën se si duken;

çfarë mendojnë njerëzit;

nëse duhet të provojnë për një ekip sportiv apo lojë shkollore;

pse nuk po marrin notat “perfekte”;

sa pëlqime dhe ndjekës kanë në internet…

Katty Kay dhe Claire Shipman përdorin shkencën dhe kërkimin më të fundit, të ndryshimit të sjelljes, për të arritur tek vajzat pikërisht atëherë kur ato kanë më shumë nevojë, në moshën dymbëdhjetë dhe adoleshente.

Konkluzion

Leximi si adoleshent çon drejt suksesit dhe shendetit.

Kur adoleshentët lexojnë më shumë sesa thjesht detyrat e tyre në klasë, ata përgjithësisht ia dalin mirë në shkollë. Para së gjithash, leximi shtesë zgjeron fjalorin e tyre.

Gjithashtu u tregon atyre se si shkrimtarë të ndryshëm hedhin poshtë mendimet e tyre duke çuar në aftësi më të mira të të shkruarit.

Dhe adoleshentët që lexojnë vepra letrare më serioze fitojnë aftësi në trajtimin e ideve komplekse.

Por, ka dhe çështje shumë më delikate nga marrja e disa vendimeve që mund t’i përndjekin gjatë gjithë jetës, deri tek steriotipet mbi sjelljen e vajzave apo shprhejen e emocioneve tek djemtë.

Më lart keni një listë me të gjitha këto tema të cilat janë një “must” me libra për adoleshentë vajza ose djem.

Libra për adoleshentë – 5 Sugjerime